12.14.2017

Ուսումնական ճամփորդության հայտ:


Ճամփորդության իրականացումը պետք է դիտարկել  <<Մխիթար Սեբաստացի >>  կրթահամալիր -<<Ռոսգոստրախ>> ԱՓԲԸ-ի միջև նոր-նոր ձևավորվող համագործակցության շրջանակներում, որի նպատակն է կրթահամալիրի սովորողներին առարկայական և տեսանելի ներկայացնել ՀՀ ապահովագրական և ֆինանսական շուկաները, դրանց գործունեության տեսակներն ու ձևերը և այլ հարակից հասկացություններ: Ակնկալվում է, որ ճամփորդության իրականացման արդյունքում՝ կրթահամալիրի սովորողներից կձևավորի խումբ, որի գործունեության հիմնական ուղղությունը կլինի խմբում ներառված սովորողներին փոխանցել ապահովագրական շուկայի առնչվող տեսական և գործնական գիտելիքներ և հմտություններ:

12.12.2017

Հունվարյան ճամբար

Հունվարյան ճամբարի հինական ուղղությունները

  • <<Ռոսգոստրախ-Արմենիա>> ԱՓԲԸ-ի հետ համատեղ ապահովագրական և ֆինանսական ուսուցման դասընթացներ, խմբի ձևավորում- Ավագ դպրոցի սովորողներ,
  • Սովորողներին մաթեմատիկական օլիմպիադայի մասնակցության նախապատրաստում - Միջին դպրոցի սովորողներ
  • Ճամբարին ջավախքյան տարատարիք սովորողների ներառմանը միտված աշխատանքներ, համատեղ նախագծերի իրականացում,
  • Օրացույցով նախատեսված նախագծերի մասնակցություն

11.17.2017

«Ռոսգոստրախ»-ի հետ համագործակցության առաջին քայլերն արված են...

«Մխիթար Սեբաստացի» կրթահամալիրի գործընկերներ կազմակերպությունների շարքը համալրվում է ևս մեկով: Տոնական շաբաթվա ընթացքում ՀՀ ապահովագրական շուկայի  առաջատար «Ռոսգոստրախ-Արմենիա » ԱՓԲԸ կազմակերպության աշխատակիցները անցկացրեցին սեմինար պարապմունքներ Ավագ դպրոցի 10-րդ դասարանի սովորողների հետ: Պարապմունքների ընթացքում սովորողներին ներկայացվեց ապահովագրություն հասկացությունը, ապահովագրական շուկայի ձևավորման նախապատմությունը՝ ինչպես նաև անդրադարձ կատարվեց ՀՀ ապահովագրական շուկայի ներկային և շուկայի զարգացման հեռանկարներին:
«Ռոսգոստրախ »-ի հետ համագործակցության առաջին քայլերն արված են, իսկ առաջիկայում սպասվում են առավել հետաքրքիր և գործնական հաամատեղ նախագծեր:

11.09.2016

Քննարկման առանցքում բիզնես նախագծերն են...

Այսօր, նոյեմբերի 9-ին, Ավագ դպրոցի ընթերցասրահում, 10-րդ դասարանի տնտեսագիտության դասընթացի շրջանակներում տեղի ունեցավ հանդիպում-քննարկում «Սեբաստացի մոլ» բիզնես կենտրոնի հմակարգող Լիլի Եղիազարյանի հետ: Հանդիպման նպատակն էր խթանել Ավագ դպրոցի սովորողների ներառումը կենտրոնի կողմից իրականացվող նախագծերում, ինչպես նաև հանդես գալ նոր  նախագծեր և գաղափարների առաջարկով: Հանդիպումը հատկապես արժեքավոր էր նրանով, որ նախագծերի ներկայացումից զատ, եղան ոչ միայն նոր նախագծերի առաջարկներ, այլ նաև քննարկմանը զուգահեռ կոնկրետ նախագծերի շրջանակում սովորողների կողմից ձևավորվեցին խմբեր, որոնք առաջիկայում պետք է ներկայանան և ներկայացնենք իրենց կատարած գործնական աշխատանքերը կամ որ նույնն է բիզնես նախագծերը` իրենց արդյունքով: Քաջ գիտակցելով, որ  հանդիպման արդյունավետության գնահատականը  չափվում է կոնկրետ և տեսանելի արդյունքով, հուսով ենք, որ կբավականացնի  պահանջվող հետևողականությունը նախագծերի իրականացման ընթացքում:
 Տե'ս նաև Ավագ դպրոցի  սովորող Լուսինե Ալեքսանյանի  անդրադարձը:

11.08.2016

Սեբաստացու օրերին ընդառաջ


Հանդիպում-ներկայացում-քննարկում
Վայրը՝ Ավագ դպրոցի ընթերցասրահ, ժամը՝ 9:20- 10:30
Նպատակը. ՙՙՍեբաստացի մոլ՚՚ բիզնես կենտրոնի կողմից իրականացվող նախագծերում Ավագ դպրոցի սովորողների ներառումը, նոր ուսումնահետազոտական նախագծերի գաղափարների առաջադրում, դրանց մշակման և իրականացման  մեկնարկի ազդարարում, Սեբաստացու օրերի շրջանակներում իրականացվելիք նախագծերի նախապատրաստական աշխատանքներ,
Նախագծերի ներկայացումը. ՙՙՍեբաստացի մոլ՚՚ բիզնես կենտրոն, համակարգող Լիլի Եղիազարյան
Մասնակիցներ. Ավագ դպրոցի 10-րդ դասարանի սովորողներ