Հաշվապահական հաշվառմանն հաշվային պլան

Կազմակերպության ֆինանսատնտեսական գործունեության հաշվապահական հաշվառմանն հաշվային պլան

Հաշվային պլանը բաղկացած է երեք բաժիններից՝

I.  Ընդհանուր դրույթներ,

I I. Հաշվապահական հաշվառման հաշիվների ցանկ,

I I I. Հաշվապահական հաշվառման հաշիվների կիրառման հրահանգ:

I բաժնում տրված է հաշվային պլանի ընդհանուր բնութագիրը, գործողության ոլորտը, ֆինանսական հաշվետվությունների նոր ձևերի հետ կապը, ինչպես նաև դասակարգման և կողավորման հիմունքները:

I I բաժնում տրված է հաշվապահական հաշվառման դասերում և խմբերում միավորված առաջին և երկրորդ կարգի հաշիվների ցանկը:

III բաժնում տրված է հաշվապահական հաշվառման հաշվառման հաշիվների կիրառման հրահանգը:

Ընդհանուր դրույթներ

Հաշվապահական հաշվառման հաշվային պլանը կազմակերպության վրա ազդող իրադարձությունների և դրա կողմից իրականացվող գործառնությունների փաստերի՝ հաշվապահական հաշվառման մեջ գրանցման և խմբավորման սխեմա է:

Հաշվային պլանը կազմում է ըստ տնտեսական բովանդակության դասակարգված հաշիվներից և ներառում է հաշիվների դասեր, հաշիվների խմբեր, առաջին կարգի հաշիվներ և երկրորդ կարգի հաշիվներ:

Հաշվային պլանը ներառում է 9 դաս՝

1.      Ոչ ընթացիկ ակտիվնեև,

2.      Ընթացիկ ակտիվներ,

3.      Սեփական կապիտալ,

4.      Ոչ ընթացիկ պարտավորություններ,

5.      Ընթացիկ պարտավորություններ,

6.      Եկամուտներ,

7.      Ծախսեր,

8.      Կառավարչական հաշվառման հաշիվներ,

9.      Արտահաշվեկշռային հաշիվներ:

1-7 դասերը ընդգրկված են ֆինանսական հաշվառմանն հաշիվները, 8-րդ դասը՝ կառավարչակա հաշվառման և 9-րդ դասը՝ արտահաշվեկշռային հաշիվներ: Ֆինանսական հաշվառման հաշիվներն օգտագործվում են ֆինանսական հաշվետվություններում արտացոլման ենթակա տեղեկատվության ընդհանրացման համար: Դրանք բաժանվում են հաշվեկշռային հաշիվների (1-5 դասեր) և գործունեության արդյունքների հաշիվների (6-7 դասեր):

Հաշվեկշռային հաշիվները նախատեսված են կազմակերպության ակտիվների, սեփական կապիտալի և պարտավորությունների հաշվառման համար: Յուրաքանչյուր հաշվետու ժամանակաշրջանի վերջում հաշվապահական հաշվեկշռում արտացոլվում են այս հաշիվների դեբետային կամ կրեդիտորային մնացորդները:

Գործունեության արդյունքների հաշիվները նախատեսված են կազմակերպության եկամուտների և ծախսերի հաշավառման համար: Յուրաքանչյուր հաշվետու ժամանակաշրջանի վերջում այս հաշիվների զուտ շրջանառությունը (դեբիտային ծախսերի և կրեդիտային եկամուտների գծով), իսկ սահմանված դեպքերում դրանց տարբերությունը տեղափոխվում է ֆինանսական արդյունքների մասին հաշվետվություն:

Կառավարչական հաշվառման հաշիվները նախատեսված են արտադրական ծախսումների և արտադրանքի, աշխատանքների, ծառայությունների ինքնարժեքի, ինչպես նաև ոչ ընթացիկ նյութական և ոչ նյութական ակտիվների կառուցման և մշակման ծախսումների վերաբերյալ տեղեկատվական ընդհանրացման համար:

Արտահաշվեկշռային հաշիվները նախատեսված են կազմակերպությանը չպատկանող, բայց ժամանակավորապես նրա օգտագործման տակ գտնվող ակտիվների, պայմանական ակտիվների և պարտավորությունների, շարժի մասին տեղեկատվություն տալու համար:

Հաշիվների կոդավորումը կառուցվում է հետևյալ կերպ՝

-Հաշիվների դասերը նշված են միանիշ թվերով 1-9:

-Հաշիվների խմբերը նշված են երկնիշ թվերով, որոնցից առաջինը ցույց է տալիս դասի ծածկագիրը, իսկ երկրորդը խմբի համարը:

-Առաջին կարգի հաշիվները նշված են եռանիշ թվերով, որոնցից առաջինը երկուսը ցույց են տալիս խմբի ծածկագիրը և առաջին կարգի հաշվի համարը:

-Երկրորդ կարգի հաշիվները նշված են քառանիշ թվերով, որոնցից առաջին երեքը ցույց են տալիս առաջին կարգի հաշվի ծածկագիրը, չորրորդը երկրորդ կարգի հաշվի համարը: