«Տնտեսական միամսյակ» ուսումնական ստուգատեսի նախագիծ

Նախագծի նպատակն է.

• մասնակիցների մոտ ձևավորել տնտեսության մասին տարրական պատկերացումներ, սովորողներին ծանոթացնել տնտեսության մասին գիտելիքների ամբողջական համակարգի սկզբունքներին (հասկացություններ, օրենքներ, տնտեսական փոխհարաբերություններ),  դրանց առարկայական կապին և ազդեցությանը անհատի վրա,
• ստեղծել հնարավորություն մասնակիցներին յուրացնել տնտեսագիտության հիմնական դրույթները. ուսումնասիրել տարբեր տնտեսական համակարգերը և դրանց զարգացման հեռանկարների առանձնահատկությունները, արտադրության գործընթացը, բաշխումը, նյութական բարիքների փոխանակումը և սպառումը միկրո և մակրո մակարդակներում, 
• մասնակիցներին ծանոթացնել շուկայական տնտեսության մեջ պետության դերին, կառավարության և Կենտրոնական բանկի գործառույթներին, ֆինանսական կառույցներին և դրանց գործառույթներին, 
• նպաստել տնտեսագիտական մտածելակերպի ձևավորմանը, ինչը հնարավորություն կտա սովորողին զարգացնել հասարակական, ներքին և արտաքին տնտեսական, քաղաքական երևույթների և իրադարձությունների վերաբերյալ տեղեկատվության հավաքագրման, կազմակերպման, դրանց վերլուծության, դրանց վերաբերյալ սեփական տեսակետների ներկայացման ունակություններ:

Նախագծի իրականացման ընթացակարգը.

Նախագծի իրականացումը ենթադրում է մեկամսյա ժամանակահատվածում հասրակական, քաղաքական և տնտեսական շրջանակներում հայտնի անհատների և կառույցների ներգրավմամբ հասնել նախագծային նպատակների իրագործմանը՝ կազմակերպելով.

• Սեմինար պարապմունքներ (Հավելված 1),
• ուսումնական ճամփորդություններ առևտրային կազմակերպություններ (ֆինանսական, արդյունաբերական, գյուղատնտեսական և այլ կազմակերպություններ),
• ստուգատեսներ (Հավելված 2):

Մասնակիցներ.

Նախագծով նախատեսված ուսումնական միջոցառումներին և ստուգատեսներին կարող են մասնակցել.

• 8-12-րդ դասարանի սովորողներ և սովորողների խմբեր, 
• 1-ին և 2-րդ կուրսի ուսանողներ և ուսանողական խմբեր :

Նախագծի իրականացման նախապատրաստական աշխատանքներ.

• նախագծի հանրայնացում, առանձին դրույթների հստակեցում և պարզաբանում,
• միամսյակի պատշաճ կազմակերպման և իրականացման համար շահագռգիռ շրջանակների և գործընկերների ներգրավվում,
• «Տնտեսական միամսյակի» իրականացման  ժամկետների հստակեցում գործընկերների և այլ շահառուների հետ`  «Մխիթար Սեբաստացի» կրթահամալիրի ուսումնական օրացույցի հետ համադրելով:

Նախապատրաստական աշխատանքների մեկնարկը համարել նախագծի հրապարակման պահը՝ 16.12.2014թ.:

Հավելված 1

Սեմինար պարապմունքների թեմաներ

• Ինչո՞ւ դառնալ տնտեսագետ,
• ՀՀ տնտեսությունը՝  ըստ ոլորտների,
• Ֆինանսական շուկաները և դրանց դերը տնտեսության մեջ,
• Տեխնոլոգիաների դերը տնտեսության մեջ,
• Գովազդի դրական և բացասական հետևանքները,
• ՏՏ-ների դերը ժամանակակից տնտեսությունում,
• Տուրիզմի դերը տնտեսության մեջ,
• Պետությունը և տնտեսությունը,
• Առևտրային կազմակեպությունների տեսակները,
• Ազգային հաշիվների համակարգը (ԱՀՀ):

Ուսումնական ճամփորդություններ

Հավելված 2
Անհատական և խմբային ստուգատեսներ

1. Սոցիալական և կոմերցիոն գովազդ,
2. Բանավեճ,

• Ազգային արժույթի պահպանման նպատակահարմարությունը ԵՏՄ շրջանակներում,
• Գյուղատնտեսություն, թե՞ արդյունաբերություն,

• 3. Շարադրություն

• Ինչպես կտնօրինեի իմ առաջին միլիոնը ($),

4. Ինտելեկտուալ խաղ (անհատական և խմբային),