«Ինչ խելոք են սեբաստացիները»

Այսօր մեկնարկեց «Տնտեսական միամսյակ» ուսումնական ստուգատեսը. ստուգատեսի սկիզբը ազդարարվեց «Ինչո՞ւ դառնալ տնտեսագետ» թեմայով սեմինար-քննարկմամբ, որը վարում էր Կենտրոնական բանկի` սպառողների շահերի պաշտպանության և ֆինանսական կրթման կենտրոնի մասնագետ Արաքս Մանուչարյանը. սեմինարին մասնակցում էր նաև ԿԲ աշխատակից Էլինա Բալոյանը։ Սեմինարը մեկնարկեց 10:45, մինչ այդ հավաքվում էին սովորողները, որոնք ի դեպ` սեմինարին մասնակցելու համար նախապես գրանցվել էին: Առաջին սեմինարը ընդհանրական էր. հաշվի առնելով սովորողների տարիքային ցենզը` սեմինարավար Արաքս Մանուչարյանը և մենք որեշեցինք չխորանալ տնտեսագիտության բազմաշերտ աշխարհում, փոխարենը ներկայացնել սովորողներին այն, ինչ պարզ, հետաքրքիր, կարևոր և հեշտ ըմբռնելի է: Չնայած` ստուգատեսի ծրագիրը ԿԲ մասնագետների հետ կազմելիս նախօրոք որոշել էինք, որ ստուգատեսը 8-12-րդ դասարանի սովորողների համար է, այնուամենայնիվ այսօր միջին դպրոցի մի խումբ 6-7-րդցիներ ցանկություն հայտնեցին մասնակցել սեմինարին և ստուգատեսին, ինչը ուրախացրեց թե' մեզ, թե' Կենտոնական բանկի ներկայացուցիչներին: Սեմինարի արդյունավետությունը գնահատելու համար սեմինարի վերջում սովորողներին բաժանեցինք հարցաթերթիկներ, որոնցում ներառված էին սեմինարի  թեմային առնչվող հարցեր (արդյունավետության գնահատման այս եղանակը կօգտագործի նաև հաջորդ հինգ սեմինարներում): Առաջին սեմինարի արդյունքը գոհացնող էր. նախ սեմինարի վերջում ևս երկու հոգի փոխեցին մասնագիտական կողմնորոշումը և որոշեցին դառնալ տնտեսագետ, երկրորդ` սովորողների տված պատասխանները մեծամասամբ տրամաբանված և ստեղծական էին:

Կրթահամալիրը` իր խելոք սովորողներով, ըստ արժանվույն ներկայացավ. հուսամ, որ այս դրական տպավորությունը կուղեկցի մեզ ստուգատեսի ողջ ընթացքում: Եվ վերջում հպարտությամբ ցիտում եմ սեմինարի ավարտից հետո Արաքս Մանուչարյանի` ինձ ասածը,- «Ինչ խելացի են ձեր երեխաները», դե ես էլ անհամեստ` բա ոնց...

Հ.Գ. Հիշեցնում եմ նաև, որ սեմինար-քննարկումներից բացի, միամսյակի ընթացքում տեղի կունենա շարադրության և կոմերցիոն/սոցիալական գովազդի մրցույթներ: Մրցութային աշխատանքները արդեն ընդունվում են, ուստի շտապեք ուղարկել ձեր շարադրություններն ու հոլովակները globalmoneyweek@mskh.am էլ.փոստին:

ՀՀ Կենտրոնական բանկի անդրադարձը Տե'ս նաև օրվա ֆոտոշարքը