Բաժին 7. Սեփական կապիտալում փոփոխությունների մասին հաշվետվություն

Սեփական կապիտալը կազմակերպության ակտիվներն են պարտավորությունները հանելուց հետո: Այս դասի հաշիվները, բացառությամբ կարգավորող և ակտիվապասիվային հաշիվների պասիվային են և նախատեսված են սեփական կապիտալի առկայության և շարժի վերաբերյալ

տեղեկատվության ընդհանրացման համար: 3 «Սեփական կապիտալ» դասն իր մեջ ներառում է հետևյալ խմբերը` 31«Կանոնադրական կապիտալ և էմիսիոն եկամուտ», 32 «Վերագնահատումից և վերաչափումից տարբերություններ», 33 «Ֆինանսական արդյուն», 34 «Չբաշխված շահույթ»,  35 «Սեփական կապիտալի այլ հեդվածներ»:

31«Կանոնադրական կապիտալ և էմիսիոն եկամուտ» խումբն իր մեջ ներառում է հետևյալ առաջին կարգի հաշիվները` 311 «Կանոնադրական (բաժնեհավաք) կապիտալ», 312«Չվճարված կապիտալ», 313 «Հետ գնված կապիտալ», 314 «Էմիսիոն եկամուտ»:

Ոչ ընթացիկ ակտիվների վերագնահատումից տարբերությունների հաշվառման համար նախատեսված է 321 «Ոչ ընթացիկ նյութական և ոչ նյութական ակտիվների վերագնահատումից արժեքի աճ» հաշիվը:

33 «Ֆինանսական արդյունք» խումբն իր մեջ ներառում է 331 «Ֆինանսական արդյունք» բաժինը:

34 «Չբաշխված շահույթ (չծածկված վնաս)» խումբն իր մեջ ներառում է 341 «Նախորդ տարիների ֆինանսական արդյունքների ճշգրտում», 342 «Նախորդ տարիների չբաշխված շահույթ (չծածկված վնաս)» 343 «Հաշվետու տարվա զուտ շահույթ», 344 «Միջանկյալ շահաբաժիններ» առաջին կարգի հաշիվները:

Կազմակերպությունների սեփական կապիտալի բաղադրիչների վերլուծական շարժը հաշվետու ժամանակաշրջանում ներկայացվում է ձև 3 «Սեփական կապիտալում փոփոխությունների մասին» հաշվետվությունում:

Սեփական կապիտալի ընդհանուր գումարը կազմված է մի քանի մնացորդներից, որոնք կարող են փոփոխվել տարվա ընթացքում:

Կազմակերպությունը պետք է ներկայացնի Սեփական կապիտալում փոփոխությունների մասին հաշվետվություն ներկայացնելով`

ա) Ժամանակաշրջանի համապարփակ ֆինանսական արդյունքի հանրագումարը` առանձին ներկայացնելով մայր կազմակերպության սեփականատերերին և չվերահսկող կազմակերպությունների ընդհանուր գումարները:

բ) Սեփական կապիտալի յուրաքաչնյուր բաղադրիչի համար, ՀՀՄՍ 8 «Հաշվապահական հաշվառման քաղաքականություն, փոփոխություններ հաշվապահական հաշվառման գնահատումներում և սխալներ» ստանդարտի համաձայն ճանաչված հետընթաց կիրառման կամ հետընթաց վերահաշվարկի հետևանքները:

գ) Սեփական կապիտալի յուրաքանչյուր բաղադրիչի համար, ժամանակաշրջանի սկզբի և վերջի դրությամբ հաշվեկշռային արժեքի միջև համարդում` առանձին բացահայտելով ստորև թվարկվածից առաջացող փոփոխությունները`

• շահույթ կամ վնաս,
• այլ համապարփակ ֆինանսական ֆինանսական արդյունքների յուրաքանչյուր հոդված,
• սեփականատերերի հետ` սեփականատիրական հարաբերություններից բխող գործառնությունները` առանձին ներկայացնելով նրանց կողմից կատարված ներդրումները և սեփականատերերին բաշխումները:

Հաշվետու ժամանակաշրջանի սկզբի և վերջի միջև կազմակերպության սեփական կապիտալում փոփոխություններն արտացոլում են տվյալ ժամանակաշրջանում նրա զուտ ակտիվների ավելացումը և նվազումը: Սեփականատերերի հետ սեփականատիրական հարաբերություններից բխող գործառնություններից առաջացած փոփոխություններից (ինչպես օրինակ` սեփական կապիտալի ներդրումներ, շահաբաժիններ) և ուղղակիորեն նման գործառնությունների վերաբերվող գործառնությունների ծախսումներից բացի, ժամանակաշրջանի ընթացքում սեփական կապիտալում ընդհանուր փոփոխությունը ներկայացվում է ժամանակաշրջանի եկամտի կամ ծախսի հանրագումարը, ներառյալ օգուտները և վնասները, որոնք առաջացել այդ ժամանակաշրջանի ընթացքում:

ՀՀՄՍ 8 «Հաշվապահական հաշվառման քաղաքականություն, փոփոխություններ հաշվապահական հաշվառման գնահատումներում և սխալներ» ստանդարտը պահանջում է հաշվապահական հաշվառման քաղաքականության փոփոխությունների հետևանքներն արտացոլելու համար կատարել հետընթաց ճշգրտումներ: Հետընթաց ճշգրտումները և հետընթաց վերահաշվարկները սեփական կապիտալի փոփոխություններ չեն, այլ չբաշխված շահույթի սկզբնական մնացորդի ճշգրտում են:

Աշխատանք 30 ABC ԲԲԸ-ի հաշվապահական հաշվեկշռում սեփական կապիտալի մնացորդները տարեսկզբին կազմել են` Թողարկված բաժնեհավաք կապիտալ  $20,000 Էմիսիոն եկամուտ  $5,000 Վերագնահատումից տարբերություններ  $8,000 Կուտակված շահույթ  $10,000 ABC ԲԲԸ-ի ֆինանսական արդյունքների մասին հաշվետվության մեջ տվյալ տարվա զուտ շահույթի մնացորդը կազմել է $12,000,000: Վճարված և առաջարկված շահաբաժինները`$6,000,000, որն իր մեջ ներառել է բաժնետոմսերի վաճառքից ստացված $1,000,000 եկամուտը: Կատարել է հիմնական միջոցների վերագնահատում և վերագնահատման $2,000,000-ի աճը գրանցվել է գրքում: Պահանջվում է`Կազմել Սեփական կապիտալում փոփոխությունների մասին հաշվետվությունը` օգտագործելով ստորև բերված ֆորմատը:

Սեփական կապիտալում փոփոխությունների մասին հաշվետվություն

Հաշվետու տարի (ժամանակաշրջան)

Հոդվածներ	Կանոնադրա-կան կապիտալ	Չվճարված կապիտալ	Հետ գնված կապիտալ	Զուտ գումարը	Էմիսիոն եկամուտ (վնաս)	Վերագնա- հատումից տարբերութ-յուններ	Կուտակ- ված շահույթ	Ընդամենը
	$000	$000	$000	$000	$000	$000	$000	$000
Մնացորդը առ 31 դեկտեմբերի
Հաշվապահա-կան հաշվառ-ման քաղաքականության փոփոխութ-յունների ընդհանուր արդյունքը
Վերահաշվարկված մնացորդը
Բաժնետերերի հետ գործարքներ
Էմիսիոն եկամուտ
Հաշվետու տարվա զուտ շահույթ (վնաս)
Շահաբաժիններ
Վերագնահատումից տարբերություններ
Մնացորդը առ 31 դեկտեմբերի